Yn hav ma y fydh dew berformyans a Arlodhes a Shalott, an kan-gylgh romansek kompsys gans Matthew Thomason gans treylyans yn Kernewek gans Elizabeth Ellis a’n bardhonek gans Alfred, Lord Tennyson.
An kynsa performyans hevleni a vydh dy’ Sadorn 6ves a vis Metheven dhe Eglos S. Endelyens, le may hwrug pubtra dalleth dhe’n Annedhyans Yeth Kernewek Endelienta yn 2024.
An nessa anedha a vydh dy’ Yow 25es a vis Metheven dhe Gastel Penndinas, Aberfala. An huni ma a vydh synsys y’n kastel y honan, golowys gans kantolyow.
Kedhlow a-dro dhe ble hyllir kavos toknys rag an dhew berformyans yn Kernow yw kavadow orth www.matthewthomasonmusic.co.uk.
Mis Gwynngala, y fydh kynsa performyans a Arlodhes a Shalott yn Loundres, ha diwettha y’n vledhen y fydh rekordyans a’n kan-gylgh dyllys. Pella kedhlow a-dro dhe’n performyans yn Loundres ha lonch a’n rekordyans a wra sewya yn skon.
Sewyewgh @arlodhesashalott war Instagram.