Berdh

An tregh ma a wra synsi ynno kedhlow a-dro dhe’n desten ma ha kevren dhe rol a verdh a-lemmyn ha tremenys.

Styr an ger ‘Gorsedh’ yw ‘kuntelles a verdh’.  Ev a dheu dhyworth an hen er keltek a styr ‘esedh ughel’ po ‘se’.

Devedhyans an ger ‘Bardh’ yw an hanow a veu res gans skriforyon rek dhe’n brydydhyon hag ilewydhyon a veu kevrennys gans pronteryon ha Drewydh.  Yn hwreydhek y feu an hanow ‘bardh’ ros dre vras dhe bub prydydh galwesik oll.  Tus meur aga roweth o berdh hag yth esa yn fenowgh keskolmow personek strooth yntredha ha’ga thasek.  Penn an verdh oll y’n Orsedh o, hag yw hwath, an Bardh Meur, ha’y arwodh a awtorita o an gador veur a esedha ev ynni.

A-dhia dhalleth Gorsedh Kernow, moy ages mil vardh re beu gwrys, hanter anedha hwath yn fyw.dhe 

Nyns yns i oll a Gernow ha nyns yns i oll trigys yn Kernow.  Yma berdh yn Ostrali, Amerika Dyghow, gelwys dhe dhos ha bos berdh awos aga ober owth avonsya Kernow dhe’n teyluyow a dhivroysi y’n broyow na, ha lies anedha a wra an viaj hir dhe Gernow rag bos ynstallys y’n Orsedh ha kemeres rann y’n solempnitys an Orsedh.

Res yw dhe nebonan yw breusys avel wordhi a vos Bardh bos profys hag eylys gans bardh a-lemmyn, hag yma edhom dhodho a dhanvon devyn anserghek dhe’n Orsedh ow skoodhya y ombrofyer.  An devyn ma a dal bos komendys heb godhvos an person yw profys.  Ena dedhlys gans Konsel an Orsedh yw pub person henwys, ha, mars yw gwiw, ev po hi yw gelwys dhe vos bardh.  Berdh a dhewis hanow bardhek yn yeth kernewek, hag yw dre vras a vri dhe dyller aga dinythyans, aga soodh, po an ober re ledyas dh’aga galow dhe’n Orsedh.  Nyns yw henwyn an verdh nowydh ma dyllys dhe’n poblek bys pols kyns aga degemeryans y’n Orsedh, hag yw lemmyn synsys pub prys an kynsa dy’Sadorn mis Gwynngala.

Rol a verdh mis Hwevrer 2021 →

(dre hanow teylu)

Rol a verdh mis Hwevrer 2020  →

(dre hanow bardhek)