Esedhvos

Haval dhe’n Esedhvos kembrek ha’n Gorsedd bretonek, ev a hwer pub bledhen y’n dedhyow  yn-kerghyn an Orsedh hy honan. Gans meur a hwarvosow gonisogethel dihaval, an brassa rann anedha heb kost,  rag oll an werin yw an Esedhvos, mayth omlowenhahons yn tyller an Orsedh. Herwydh usadow, yn Dedhyow an Esedhvos y kevir Fer Lyvrow (Fest Lien – gans awtours dhyworth Holyer an Gof), Troyll, Gool Ilow, Gwesper Diwyethek ha Myttin Lowender Kernewek.  Y hwyrvydh martesen ynwedh arethow, keskerdhow po diskwedhyansow a-dro dhe vateryow a’n ranndir. Dy’Sadorn  an Orsedh, y fydh stallow afinys oll a-dro dhe Bark an Solempnita hag y hyllir gwandra ow mires orth kreftow, boos ha diwes kernewek, kavos kedhlow yn-kever kowethasow teythyek, ha praktisya  agas Kernewek gans tus orth stall agan yeth! Ottomma kedhlow rag an Esedhvos 2016 esa yn Lannahevren. Der an prevyans ma pub bledhen, yth aswonir milwell trevow kernewek teg hag istorek hag omlowenhe yn prysweyth kernewek gwir.