Gool Peran 2021 yw dihaval. Nyns eus keskerdhow hengovek, na kerdh a-dreusan tewennow may hwren ni omvetya rag solempnya Gool Peran, mes yn aga le yma dhyn gool marthys warlinen. Hemm a wra ri dhyn, yn Kernow hag oll a-dro an bys, chons dhe junya hag omlowenhe yn agan chi agan honan. Kales ywna yllyn ni kuntel war-barth ha mires orth an baneryow gwynn ha du ow neyja a-ugh ha’n Brith Kernow oll a-dro. Hevlena, yth yw res dhyn desedha, mes nyyller gwitha Kernowyon dha yn-nans.
Yn dedhyow kales ma, y fynnyn ni diskwedhes agan kerensa a Gernow yn lies fordh dell yllyn. Kernowyon re gavas fordhow Nowydh dhe oberi, klassowKernewek ha Yeth an Werin der Zoom; keur ow kul rekordyansow; lennansowrannyeth der vedia sosyal, ha kowsow ha keskarethyow gwrys warlinen. Res yw dhyn aga skoodhya. A-gynsow, yth esa Wassel Kernow hag ynno meur a dus ow kana ha gul troos rag difuna an avalennow. Marthys yw Truru ha Tewynblustri dhe gesordena meur a gevrohow yn Gool splann warlinen. Yma ilow, an Yeth Kernewek, rannyeth, bardhonieth ha moy.
My a wayt bagas bras ahanowgh dhe dhispletya baner Sen Peran hedhyw yn agas fenester po agas lowarth rag diskwedha agas kerensa rag Kernow, ha solempnya agan Bro Keltek, agan ertach, agan gonisogeth ha’gan yeth. Prag na wrywgh hwi gasa an baner ena yn dedhyow a dheu? My a wor bos Baneryow gwynn ha du ow neyja oll a-dro an bys hedhyw.
Ha moy ha moy tus ow tegemeres breghlin Covid pub dydh, gwren ni gwaytya bos possybyl kyns pell, ni dhe omvetya arta hag omlowenhe war-barth. Yn kettermyn, gwren ni solempnya an Gool Peran ma yn fordh nowydh hag yntanus, ow junya gans an re erel oll a-dreus an Bys Kernewek.
Gool Peran Lowen!