Yth o deth kynyaf, tek ha howlek, hag yth esa an baner ow trenyja war Gastel Lanstefan, yn ughel dres an dre.
|
Nyver meur a'n gwerthjyow o afynys yn prowt gans an lywyow ha'n arwedhyow a wonesygeth Gernewek.
|
An Vyrth Noweth a omjunnyas gans an keskerth der an stretys a Lanstefan bys yn tyryow an Castel.
|
Yth esa Cannasow a lies Cowethas Kernow Goth yn le.
|
Meur a dus o gwyskys y'n bryth Kernewek.
|
Cannasow ha gwestoryon a dheth dyworth Breten Vyghan.
|
Y Draig Goch ddyry cychwyn: an baner Kembrek a ledyas an cannasow dyworth Kembry.
|
An 40 gwestor Kembrek a furvyas junnyans mur y lyw dhe'n solempnyta.
|
Jowan an Cleth (John Bolitho) a entras an kelgh rag an dewetha tro yn y soth avel Barth Mur.
|
Arghdrewyth Kembry Dr Robyn Lewis/Robyn Llyn o onen an westoryon a vry. Ef a ve sewyes y'n kelgh gans (y'n ur-na) an Cannas Barth Mur, Tewennow (Rod Lyon).
|
An Mer a Lanstefan a ygoras an solempnyta gans messaj a dhynargh yn Kernewek ha Sawsnek.
|
Byrth, donsoresow ha gwestoryon a omjunnyas dhe gana yn Kernewek.
|
An Arlodhes Kernow, yn herwyth hy servyadesow, a dhros an offrynnow Frutys an Nor dhe'n Barth Mur.
|
An Cledhevor a dhynarghas an Vyrth Noweth ha mos gansa dh'aga degemeryans.
|
An Scryvynyades a synsas an plastronys a gober a vya gwyskys gans an Barth Mur noweth ha'y Gannas.
|
Yn solempnyta gans mur a glewans, Jowan an Cleth (John Bolitho) a gurunas y sewyer, Tewennow (Rod Lyon).
|
Yth esa an howl whath ow splanna ha'n Vyrth ow casa tyryow an castel.
|
An Cannasow dyworth Kembry ha Breten Vyghan a onjunnyas gans an Barth Mur noweth, Tewennow (Rod Lyon), y Gannas, Gwenenen (Vanessa Beeman)ha'n Barth Mur omdenna Jowan an Cleth (John Bolitho) yn-mes a'n Eglos Vethodyst.
|
