Vysyt an Barth Mur dhe Australya
Mys Me, 2003

Dres y vysyt noweth dhe Australya, an Barth Mur, John Bolitho (Jowan an Cleth) a spenas nebes dethyow dydhan ha pur vysy dhe'n Gol Lowender Kernewek ajy dhe hag adro dhe'n trevow Wallaroo, Kadyna ha Moonta, y'n randyr gothvedhys avel Kernow Vyghan, war an Worenys Yorke, Australya Dyghow.

An Barth Mur a venystras dhe'n 16ves Cuntellyans Byrth yn Australya, dhe Voonta, hag yn-mysk an wharfosow erell lywus ha dhe les, a vysytyas ef o Gwysca an Bedhow, an Dons Feryow dhe Gadyna, ha Bennath a'n Dowrow dhe Bleg-mor Wallaroo.

Wosa an gol, an Barth Mur a wruk vysyt dewhelans dhe Vendygo, an gol mayth esa ef yn 2002. Ena ef a dhyscudhas men-cof ha vysytya nebes an leow junnys gans Kernow ha Balyeth Kernewek.

Dhe gewsel herwyth usadow, yth o vyaj lun ha'n moyha dhe les, ha forth varthys dhe grefhe an junnyans ha'n colmow ystorek ynter Kernow ha'n randyryow balyeth a Australya.

An Barth Mur a dhewhelys dyworth Australya gans moy es 500 skesen dek avel cofro a'y vysyt. Ny yllyn dysquedhes marnas nebes anedha, mes ny a wayt y whrons y don nebes an blas a'y vysyt. Mar plek gwra clykkya war an kevrennow ryp an mappa.

 
 
Golowboyntyow vysyt an Barth Mur

 
Kernow Vyghan a Australya (Moonta, Kadina ha Wallaroo) - Lowender Kernewek

Moonta - omguntellyans an Vyrth a Gernow yn Australya

Bendygo - vysyt dhe Long Gully ha dyscudhans a leghen cofheans dhe'n Denbal Yndan-dor