Eisteddfod Genedlaethol Cymru

Casnewydd (Newport, Gwent)

1a - 3a mys Est 2004

Dhe byu esa gallos sconya galow specyal Arghdrewyth Robin Lewis dhe Vyrth Kernow, res y'gan Gol splan Castel Lanstevan mys Gwyngala 2003? Yn sur nyns esa ef dhe etek barth ha seyth car, nep a wruk junya gans agan Barth Mur (Tewennow) ha'y wrek Margaret (dre chons da Myrgh Casnewydd awos hy hanow bardhek hag ynweth hy genesygla ena), ha Cannas Barth Mur, Vanessa Beeman (Gwenenen) ha'y gour.

Wosa dynargh gwresak dyworth Arghdrewyth, lowen o agan byrth junnya keskerth Kembrek dhe Gelgh (Dons Maen) yn lowarthow Plas Tredegar. Y'n Orseth Kembrek ena, lyles Drewyth, Barth hag Ovyth o degemerys yn solempyta kepar ha'gan Gorseth agan honen.

Wosa tro vas dhe vysyta lyes stall (gans lyfrow, creftys ha taclow erel) an vyrth a wruk mos, yn androw, dhe Gurunyans Barth, solempyta a vry Gorsedd Cymru. Agan bagas ynweth a wruk mos dhe gescanow gorthewer y'n Pavylyon Mur gans Julian LLoyd Webber hag Aled Jones.

Kens ny a wruk mos dre, yth esa deth a-dal y gofhe myras orth Dynas Romanek Coth Caerleon. Yth esa dhym marthus awos bathys restorys, plen an gwary ("ampitheatre") bras, ha souderjyow; gans moy, dysplettyansow splan y'n gwythty.

Cornish Bards in Wales 2004


Yma dh'agan cowethas-oll - John Bennallick, Hazel Bennett, Russell Bennett, Bill Glanville, Bill Herring, Godfrey Matthews, Pauline Rowe, Mac Waters, Pat Bawden, Brian Coombes, Keith ha Clarinda Truscott, Winifred Heck, Ruth Johns, David Fieldsend, Jill Warden, Koreen Twydell, Percy Harvey, Maureen Pierce, ha'ga herens lyes cof lowen ha synsys yns-y dhe Gembra ha dh'agan penledoryon yn Kernow.

Barbara ha Keith Shaw
Scryvynyades an Orseth ha'y gour

Return to 'Welcome - News' page
Dewhel dhe folen 'Dynargh'

All images copyright © The Gorseth of Cornwall unless otherwise attributed