Gorseth Kernow - Resruth 2006

Adhyworth an Scryvyades:

Lyes Barth re leverys, ass o treveth a dal y gofhe, ow talleth y'n myttyn gans keskerth Byrth yn dre ow tenewy war woles Stret Fore, aga fowsyow ow whetha y'n arwel clor.

Yn gwetha prys, an gewer a janjyas mes nyns esa spyryson glyphes ha'n solempnyta solempna ow tyspletya y'n Hel Gwaryow dhe Dolgus Vean. Dres an termyn ma whegh person gans unyans dhe Gernow a ve degemerys avel Byrth noweth, deudhek pewasow Consel an Orseth ha lyes weryson Kesstryf a ve res. Yth esa Arlodhes a Gernow, Tamsin Page, hy servysy hag ugans donsyor adhyworth an Scol Bev-Lyn.

Gwenenen
An solempnyta a dhewedhas gans an gurunyans sempel Barth Mur Noweth - Gwenenen - Mestres Vanessa Beeman, ha'n stallyson hy Hannas - Skogynn Pryv - Mester M.K. Paynter.

Yth esa wharfosow Esethvos y'ga mysk arethyow, gorthewer barthonek, kerth gans kevarwhedhyas, deth lowender an yeth 'gwary' ha Troyl re be formyas an dedhyow kens ha Gol Ylow Braf restrys gans Keith (Canor Plu Golom) ha Clarinda (Canores Porthysak) Truscott, owth omdhysquedhes ynno Cur Pencoys gans Alistair Taylor ha Menestrouthy Cambron Yowynkes gans Alan Pope, ow kesunya yn sowyn trawythyow, a ros lyes yntertaynment hudol ylowek. An woslowysy a ve muvyas kens oll gans an donsya Morhoges Lowen adhyworth Cresen Murdoch ha Trevithick ha'n canna Cur an Dus Konteth Karrek. Ynweth an woslowysy a ros obereth styrryansek 'Bro Goth Agan Tasow' - Yn Kernewek - ha worteweth 'Trelawney'!

Ef a ve dysquedhyans down balghter Kernow yn hy ertach hep par - myr hep nam a y honensys, dres wharfosow wonesegeth, donsya ha'n Yeth Kernewek kewsys dres solempnyta an Orseth ha'n gonys Eglos Vethodyst dohajeth de Sul.

Yma wharfosow an par na ow magly lyes mys a barusyans fur ha'n Orseth a wor gras dres eghen dhe'n Mer ha Consel an dre Resruth, kens oll an gweres efan Scryfwas an Dre, Mester Peter Bennett ha Consler Jim Carroll, Mester Ron Opie, Map Carn Bre, Carderyor Cowethas Gernewek Coth Resruth, Mestres Jean Opie hag ysly nep a ros cuntell te Bardhek marthys, an Chy Kenworth hag ysyly a daclas Stret Fore gans owr ha du, Penvester Colgy an Gemeneth, ha'n drygoryon Resruth nep a ros dhyn dynargh mar dom yn mysk splander an howl glyp!

Mur ras onen hag oll - kerdh y’n golow gans an Spyrys a Gernow - Kernow bys vyken!

Yn lel, Barbara Shaw

Donsyoresow an Blejyow

An kensa treveth bythqueth, ha mam ha’y myrgh re be Donsyoresow an Blejyow: Mam Joanne Gulley, 1981, dhe Bortreth ha myrgh Rebecca Wysocki, 2006, dhe Resruth. An fleghes esa ow tonsya abarth Gorseth Kernow dhe Resruth o donsyoresow a’n Scol Bev Lyn, yu brennys gans Beverley Matthews ha’y myrgh Melissa Glover. Donsyorsow a’n Scol-ma re berformyas pymp gwyth dhe’n Orseth, pupprys fest yn connek.

Arlodhes a Gernow, Tamsin Page, o scodhyes yn ta gans hy dyw vaghteth, Megan Smyth ha Caitlen Annear, oll anedha gwyskys yn powsyow glew.

Return to 'Welcome - News' page
Dewhel dhe folen 'Dynargh'

Web design and logo copyright © 2001-2003 neshaver
Web site maintained 2004-2006 Rob Follett Computer Services
All images copyright © The Gorseth of Cornwall unless otherwise attributed