Areth an Bardh Meur:
Gwarnyans an Orsedh 2010
A Vestres Mer, a Westyon enorys, y’n kynsa le gas vy dhe leverel a-barth an Orsedh synsys on ni rag a’th heryow kuv orthyn ni ha rag a’gas dynergh toom dh’agan verdh ni omma yn Porthia yw onan an tegenow an druttha a’gan bro ger ni Kernow. Hag yn certan sur henn yw neppyth arbenik ragov vy a veu genys, megys ha drehevys omma.
Porthia, seulabrys Dinas Ia, re beu trigva dhe les a-dhia termyn pan dheuth Ia omma y’n hweghves kansvlydhen ha wrug dalleth hi ober erbyn roweth turant war lann arall plegmor Porthia hag yn sur yth esa’n dre krev yn hi rebellyans erbynn turaniedh a-dreus an kansblydhenyow nepprys ow kemmeres fordh arall a’n brassa rann pobel Kernow. Hag yma lies person dhe les y’n Istori ha’n Gonisogeth an Enys ma veu genys po triga y’n dre hweg ma.
Mes nyns on ni omma dhe wormeula tus bras mes dhe goelya agan yeth ni ha’gan gonisogeth Kernewek ni a wrug gwitha y’ga holonn yn tiogel an werin omma, po pyskador, po tiek, po tus bal omma hag y’n pluyow adro dhynni. Y tal dhynni perthi kov yth esa fondyes omma kynsa Skorenn Kowethas Kernow Koth nans yw deg ha peswar ugens blydhen. Dalleth Dasserghyans Arnowydh Kernow. Heb dhowt godhyn kendon vras an Orsedh dhe Vordon ha Gwas Mighal y’n ober na mes heb gorthyp krev an werin a drigas y’n dre ny alsa argerdhes agan movyans.
Ytho, Mestres Mer, arta meur ras a’th tynnargh ha gonn meur ras ynwedh dhe bobel Porthia.
Skogynn Pryv, Mick Paynter
|
