Goursez Vreizh - 2004Deryvas gans Geoff Orient (Holdrevel)
 Sue Roberts [Hanow Bardhek ‘Kembroes’] ha my Geoff Orient [‘Howldrevel’] eth dhe Vreten Vyghan ages Cannasow a-dhyworth an Orseth Kernow yn an vledhen 2004 omma yma deryvadow a’n Orseth.
Dy Merth tredhegves mys Gortheren ny eth dhe Vreten Vyghan rag degol ber hag ynweth avel cannasow Kernewek rag an Orseth Bretonek. Brasparts po Brazpar yu le rak an Orseth, yma pras ogas dhe’n dreveglos gans kelgh menhyr growyn.Y'n dreveglos yu cresen Bretonek ynweth sothva a’n Orseth, ygerys pupteth saw de Merth!! Ny vern ny a dhewhelys de Mergher hag omgommendya dhe Claude Amice nep a res dhyn ny oll an deryvadow yn kever an jeth a dhe. Wosa degol bryntyn ny a dhewhelys dhe Vrasparz rak an solemptyans de Sul an seytegves.  Ny a omguntellys yn hel an dre rak deryvadow ha restrans yn kever an solemptyans gwrys gans Gwenc’hlan, Per Kerloch ha y whrek Elizabeth. Ynweth yth esa dyspletyans a’n Orseth y'n hel. Ny a dhallathas an keskerth yn mes an hel gans whegh pybor ha’n venen vledjyow war geyn margh, dres an dre dhe’n kelgh. Susan Roberts [Kembroes] ha benen Vretonek [ny won hy hanow] a gerdhys warbarth adheragon my ha’n gannas Kembrek [Ifan Lloyd Williams] gans Gwenc’hlan adhelergh. Pan dhrehedhson ny an kelgh, Gwenc’hlan a yskynnys an omborth hag Ifan ha my a junnys wosa ny a wruk areth ber.  Framweyth an Orseth yu ogas an keth ages agan ha wosa areth aral yn Kembrek ha Sawsnek dhyworth Ifan hag yn Kernewek dyworth vy, Gwenc’hlan a wruk y areth ha leskys paperyow gans scryvennow erbyn Breten Vyghan. Nessa ran o degemeryans an vyrth sywyes gans junnyans an cledha gwres gans Kembroes ha’n venen Vretonek , Y a res an cledha junnys dhe Gwenc’hlan. Dewetha ran o dhe ry ughelvar dhe puphuny hag a as an kylgh dhe gerdhes dhe’n hel an dre rak bos,coref ,cyder,gwyn, he he he. [An bos o kyk mogh rests ha pur vlasek hep mar]. Wosa dhybry ny a gewsys gans puphuny hag a asas rak Roskof h’an keybal dhe Aberplym ha Kernow. Deth splan o gans tus a vry, bos bryntyn ha da yu genen dhe’y wul arta. Hen o owth areth dhe’n Orsedh Breizh: "Deth da Drewyth Mur ha’n Orsedh Breizh, enorys on ny bos omma dhe ry gorhemmynnadow dyworth Gorseth Kernow. Ynweth ny a worta dynerghy Gwenc’hlan ha M. Charles Labasse dhe’n Orseth Kernow yn mys Gwyngala a dhe. Da yu genef kemeres an chons ma dhe lever neppyth yn kever agan broyow Keltek. Yn termyn us passyes ny oll a genwertha warbarth hep ethom mos dres vroyow erel kyns ha prak na? Martesen nebes kenwerthoryon o yn gwyryoneth noswythoryon mes pyth o cam gans an negys na? tus gwyr ens. Lemmyn ny oll a ober yn fordhow dyhevel mes my a grys nag yu ethom whath mos dre vroyow erel. My a-grys YN CREf bos res porres dhyn ny assaya dhe obery warbarth dhe grefhe kevrennow ynter agan broyow Keltek. Bysy yu dhe berthy cof, nag on ny dyblans gans an mor mes UNYS gans agan mor Keltek. Nyns yu an mor LET yntredhon ny mes FORTH!!!!!! Breizh Ato!!! Mur ras." Return to 'Welcome - News'
page
Web design and logo copyright © 2001-2003
neshaver |