logo

Nowodhow Kens 2006

English version of this page
English



2014 | 2013 | 2012 | 2011 | 2010 | 2009 | 2008 | 2007 | 2006 | 2005 | 2004 | 2003 | 2002


Dustuny an Orseth dhe’n
Desedhek Lytherenyeth

Savla an Media

An Orseth a-scoth yn-tywysyk an defnyth ha dysplegyans a Gernewek kyn nag yu-hy omres dhe neb un system lytherenyeth. Dres lyes bledhen, byrth re-ynnyas pup bagas-oll a dhrehedhes gorfen uskys yn dewys lytherenyeth ha scodhya an argerth a’gan dedhyow. Consel a-acordyas dustuny dhe’n Desedhek rak Furf Scryfys Unyk hag a-ynny gwythres trom ha domwhelans a’n lyha.

Rak an text lun clykkya omma


DVD Hyrdravel Herwyth Hen-whethel

Yth esa tus bal Kernow genys omgemeras rag an sowynyans dhe whelyow cober an Burra dhe Australya Soth aban 1845 yn rak. Yn mysk oberwesyon an owregy Bendigo, yth esa moy es 80% Kernow genys hag an owregy ma an rycha oll yn bys yn tor na. Yth esa moy es 200 whel dhe Vendigo rewlyes gans Kernowyon dythyak.

Pan ve kefys an owregy Vyctorya yn 1851 dewedhes kehavelder brass dres eghen tus bal dhe Vurra a hyrdrevalyas dhe Vyctorya rag assaya aga fortyn y'n cledhva. Hem o pellder moy es 600 myldyr (1000 kms). Yth esa dethlyfrow gwythys gans nep pobel ha re n'gwruk esya dhe ystoryon agan dethyow ny.

Burra DVD
1. Whel Tebel Vest dhe Vurra. 2. John Bolitho (Jowan an Cleth) George Ellis (Map Bendygo) ha Tom Luke
(Colon Hag Enef yn Bendygo) dhe'n beth yn Bendygo a Maria Ninnes ha'y deu flogh.

Hem yu whethel bagas an par na hag a synsys ynno Thomas Ninnes ha tylu dhyworth Towednack. Hem yu whethel a aneth, gormola ha droklam. Yma'n hyrdraval an dus bal Kernewek a 1852 ran ha'n ertach Australya ha Kernow.

Y fyth prow dhyworth gwerth an dvd ma gans Libby Luke gorrys dhe arghasow an Orseth. Prys UK £8 gans £1 p&f

Arghadow UK dre bost dhe Scryvynades an Orseth Kernow, Clitters House, Clitters, Callington, Kernow/Cornwall.


Bardhonek Barthusek

Rag an bardhonek sowyn 2006, Gwersyow yn Kernewek ha Rosbolla Mordon-Caradar clykkya omma mar plek


Cuntellyans an Orseth 2006

Mike O'Connor
Yma Mike O'Connor ow fylla melody coth

Yth esa Cuntellyans an Orseth dhe 14ves a vys Hedra dhe Gresen Gemeneth Loswythyel, deth hudol dyscans hag yntertaynment o. Merv hag Alison Davey a formyas deth owth aspya ylow ha dons dhe Gernow a brys Osow Cres bys yn hengof sowyn hedhyu. Studhyans noweth ha dyscudhyans noweth a vry a ve dhescryfys gans Mike O'Connor.

Tan ha Dowr ha Ros Keltyk a dhyspletyas lappya ha donsyow kemeneth, ha Will Coleman a'gan dysqueth canna rag dons. Yth o deth bewek mur a dheryvas ow dyspletya ass yu bras an pythow re be dyskys yn bledhennow agensow.

Tan ha Dowr
Yma Tan ha Dowr ow tysquedhes dons Kernewek




Kesstryvyansow 2007 ow mos yn-rak

Awards

Yma ow pesya yn ur ma kesstryvyansow an Orseth Kernow 2007. Yma classow rak tus a os ha fleghes yn bardhonyeth,yeth plen, studhyansow Kernewek, ylow (yn Sawsnek po Kernewek) creft ha skesenyeth.

Y hyllyr cafos manylyon lun ha rewlys rak entra war an wyasva ma. An dethyow degea yu 31ans a vys Merth ha'n pewasow a vyth res gans an Barth Mur dhe'n Orseth ygor dhe Pensans war an kensa de Sadorn yn mys Gwyngala 2007.

Rak manylyon lun clykkya omma.



Weryson Holyer an Gof 2007

Holyer Shield

Yma galow profyansow rag Weryson an Orseth bledhennek ma ha comprehendys ynno seyth kensa ran, ha deu weryson brassa dres oll rag dyllans mur y roweth dhe Gernow po themys Kernewek, dres an vledhen 2006 yn unyk.

Rag manylyon lun e-bost Bryallen.


Wor' tu ha form unyk

Speakers
Dr Bernard Deacon, Rod Lyon, Dr Ken George, Dr Laurence Rule
Prof Nicholas Williams

Yth esa kescusulyans dhe Dremogh de Sadorn 30ans a vys Gwyngala dhe dhalleth an forth rak kesagrya form unyk scryfys. Yth esa devedhys ena moy es 100 dyscajor ha studhyor an yeth.

Rak deryvadow pella gwel omma

Audience
Jenefer Lowe ha ran an woslowysy

Gorseth Kernow 2006

Gwenenen
Gwenenen

Gorseth Kernow a wruk synsy hy solempnyta bledhennek dhe Resruth hevleny.

Kynth o De Sadorn an 2a Mys Gwyngala glyp ha gwynsak, vyrth pals an Orseth Kernow a guntellas dhe Scol Resruth. Myttynwyth, keskerdhes a wrons y, ledyes gans Menestrouthy Tre Resruth ha tus a vry an dre, hes ha hes stret yn cres an dre. A solempnyta a ve synsys yn hel sport an scol awos an glaw, mes hyrethek ha lowen o an jeth. Dres an solempnyta y honen, yth esa stallys ow quertha gwara a Gernow. Donsyoryon an Blejyow o mowysy an Scol Dons Bev Lyn, ha pur dha ens y. Tamsin Page o Arlodhes Kernow. Tegwyn Jones ha T. James Jones a dhros gorhemmynadow dyworth Kembry, mes, soweth, nyns esa cannasow dyworth Breten Vyghan ena hevleny. Whegh barth noweth a ve degemerys ha ros vu pewasow ha werysons. Dhe ben an solempnyta yth esa stallasyon Barth Mur noweth Vanessa Beeman ha Cannas Barth Mur Mick Paynter. Yth esa kescan marthus da yn gorthewer.

Pycturva a Resruth an Orseth clykkya omma

Rak manylyon pella clykkya omma


Messach Video

Myr orth messach video adhyworth an Barth Mur noweth, Vanessa Beeman / Gwenenen

Clykkya omma - (Windows Media Player - 2.99MB).

Clykkya omma - (RealPlayer - 427kB).

May hyllyr myras orth an verheansow-ma y fyth ethom cafos RealPlayer po Windows Media player. Dhe vysytya folen-tre RealPlayer clykkya omma ha sewya an kevrennow dhe yscarga an gwaryer hep cost.



Gunwyn

Ponswad 2005
Ponswad 2005

Yma newodho pur dryst: George Pawley White, Gunwyn, kens Barth Mur a verwys de Yow 24ans mys Est 2006.

Rak Trubyt dyen, clykkya omma mar plek.


Rak bewnans scryfys ber, clykkya Pyctura a Vyrth Vur.


An Orseth A Dheryf Gwaynyoryon Kesstryvyansow rak 2006

Y hyllyr gweles sewyansow rak an classow Tevysogyon ha Fleghes dre glykkya war an kevren a sew, gwaynyoryon 2006.


Pewasow Consel An Orseth

Y hyllyr gweles pewasow Consel an Orseth 2006 omma, clykkya mar plek.


Goursez Breizh 2006

Goursez Breizh 2006

Dhe'n whetegves a vys Gortheren 06 y fu synsys Gorseth Breten Vyghan dhe Bras Parts yn Breten Vyghan Gleth. Negysydhyon dyworth Gorseth Kernow o Cannas Barth Mur Vanessa Beeman, Gwenenen, ha Godfrey Matthews, Mab Ferror.

Kepar hag yn Kernow, y'n keskerth troha'n dons men bardhek, yth esa Arlodhes an Blejennow. Mes dyhaval a Gernow, hy o esedhys a-denewen war vargh du gwyskys yn pows hyr ha gwyn. Lywyans tek o hy.

An solempnyta o haval orth an solempnyta kernewek gans un keworrans; solempnyta an cledha. Barth dyworth Breten Vyghan ha Kernow, kettep huny, a dheg hanter cledha hag a junyons warbarth ena yn arweth a gesunyans ha cres yntra kenethlow keltek.

Splan o an gewer oll an jeth, mes an tempreth o 34 degre C. Herwyth usadow helder an vretonyon o marthys. Del leveryr yn Breten Vyghan: "Breizh da virviken".

Godfrey Matthews / Mab Ferror


Gorsedd y Beirdd, Abertawe 2006

An Orseth Kembry a vu synsys dhe Abertawe ynter an 5es ha'n 12ves a vys Est. Cannasow abarth Kernow o Barth Mur Tewennow ha'y wreg Myrgh Casnewydd. Rag manylyon pella clykkya omma.


Gorseth Kernow GK06

Scol Resruth, Tolgus Vean
De Sadorn 2a Mys Gwyngala 2006, dhe 14:05

Resruth

Cuntellyans Byrth Kernow hevleny a wra wharfos yn Resruth. Attendyans Poblek yu hep cost ha dynerghys.

Y hyllyr gweles manylyon an Solempnyta ha wharfosow a wra y scothya dre glykkya war an kevren a sew.

Clykkya omma.



Nessa Barth Mur ha Cannas Barth Mur

Vanessa Beeman (Gwenenen)  - Mick Paynter (Skogyn Pryv)

Cuntellyans Consel an Orseth synsys an 15ves a vys Gortheren 2006, a fasthas an appoyntyans a Vanessa Beeman (Gwenenen) avel an nessa Barth Mur, ha Mick Paynter (Skogyn Pryv), dyworth Porth Ya, avel hy Hannas. Y a vyth ynstallys yn sodhagyl dhe ben Solempnyta an Orseth dhe Resruth.

Y hyllyr cafos nebes manylyon bewgrafek a Wenenen, Cannas a res, yn vyrva an Vyrth Vur war folennow cofscryvow an Wyasva.

Hen o an dewetha cuntellyans Consel an Orseth rag Rod Trevelyan Lyon avel caderyer, hag ef a vu gormelys yn tom rag myns a ober mur re wrug ef yn un wytha puptra ow resek yn compas ha moghhe savon an Orseth hep ombredery.


Kernewek yn Ker Salem

Kernewek yn Ker Salem

Y'n bledhynyow noweth tremenys y hevel y whra Kernewek omsevel yn pup le. Yma'n dewetha 'dyskevrans' war fos yn Ker Salem.

An bryleghen a vu skesennys yn 2006 dhe Eglos an Pater Noster, Meneth Olyved, Ker Salem, hag a vu danvenys dhe Rod Lyon, neb a'n jeves whans dhe dhysky pyu a's drehevys.


Esethvos Kernow

Y whyrfyth Esethvos Kernow a’n 25ns Mys Est bys an 9ves Mys Gwyngala dhe Resruth, dhe voghhe Gorseth Kernow. Synsys y’n darfos-ma a vyth,rag sampel, dyw areth, dysquethyansow mur aga les, chons dhe glappya Kernewek, gwythva rag puponen restrys gans Myster Kernow an Nedhoryon, Gwyadoryon ha Lyworyon, kerdh y'n Dre, ystory tylu, ha Bosty Bardhonyeth.

Esethvos



Gwarnyans Gorseth Byrth Kernow,
mys Ebrel 2006

Proclamation 2006
Barth Mur Rod Trevelyan Lyon/Tewennow gans Cannas Barth Mur
Vanessa Beeman/Gwenenen dhe y dhyghow. Dhe hy dyghow yu Chaplen
an Orseth, an Rev Brian Coombes/ Cummow ha Degemeryans
Scryvyades Marion Coombe/Cum Morek.

An solempnyta Gwarnyans Gorseth a wharfe dhe Rysruth de Sadorn 8ves mys Ebrel 2006. An howl splannys war an 80 Barth cuntellys. PW den scuesen recordys an darfos rak BBC Cymru, ynweth yth esa les dheda adro synys stret Kernewek noweth.


Arwedhyeth ha Regayla

Y yllyr gweles deryvas bras noweth gans ow clykkya an gevren Solempnytys ha Regalya war an gleth folen ma.





Byrth Gernewek a guntell yn Australya

Eaglehawk

Avel ran an solempnytys Dewhelans dhe Eaglehawk yn mys Merth 2006 henath Kernewek dyworth oll rannow dhe Vyctorya, Soth Kembry Noweth, Soth Australya ha Kernow a synsys solempnytys ena ha cuntellyans Bardhek ynweth gans 25 Barth Gorseth Kernow yn attendyans ha Gonys Kernewek marthys y'n kens Howldrevel Methodyst lemmyn Eglos Unya.


400 Cans Dornscryfa Kefys

Old Kea Tower
Tour an Lan Ke coth

An deryvas cot studhyans gwres dornscryfa Kernewek dasscryfys y'n dewetha 16ves Cansbledhen a res gans Dr Oliver Padel dhe'n Cresen Tolmen, Langostentyn 24ans a vys Whevrer 2006.

Y yllr redya moy yn kever an gwary Bewnans Ke gans ow clykkya omma.


Deu Wharfos a Dhe dhe Vos
Merkys gans Byrth

De Sadorn an 8ves Mys Ebrel dhe 14.30:
Gwarnyans an Orseth: Solempnyta cot dhe notya an Gorseth Ygor, Mys Gwyngala. Deugh oll Byrth a yl bos ena, mar plek, dhe’n lowarthow Rumon, Resruth. Gwyskeugh pows yn Chambours an Consel, Stret Penryn.

De Sadorn an 3a Mys Metheven dhe 14.15:
Cuntellyans Kemyn Bledhennek (Gorseth Deges). Gwreugh dos, mara pe possybyl mar plek, oll Byrth, dhe Guntellva an Grennoryon, Terras Pol, Truru.


Degol Sen Peran 2006

Mervyn Davey yu an pyber ow hembronk an keskerth
Mervyn Davey yu an pyber ow hembronk an keskerth.

5a a v ys Merth ow tos ha bos kerys gans an bobel moy es Degol Sodhagyl gans keskerdhow, conyow, gol ylow, feryow, ha wharfosow erel oll adro Kernow. Yma moy wharfos ha moy pobel ow mos. Hem yu mur y les gans lyes pobel noweth dhe Gernow ha trygoryon termyn hyr ynweth.

Ran vyghan cleworyon ow myras orth an gwary Sen Peran dhe Peran Treth.
Ran vyghan cleworyon ow myras orth an gwary Sen Peran dhe Peran Treth.


Dysplegyans Yn Mestrynsys
An Yeth Kernewek

Liskeard Caradoc
Lyskerrys

Avar yn mys Whevrer 2006 Jori Ansell/Caradok a dheryvys dhe Consel an Yeth Kernewek war dhysplegyans gans an yeth Kernewek. Y whelyr deryvadow ma gans clykkya omma.

Plegyans an Orseth Kernow dhe'n Consel A Dus Connek yn mys Kevardhu 2005 y hyllyr redya gans clykkya hanow an consel.

Yma'n dheu dheryvadow yn unyk Sawsnek.


Pewas Rak Barth Kernewek Yn Australya

Bill Phillips
Bill Phillips/Mapwyn Whel Ros ha y wrek Gwen

An Cowethas Kernewek a Vyctorya re geslowenhas esel ha Barth Kernewek Bill Phillips/Mapwyn Whel Ros war y bewas rak Bryntynsys yn Negysyow Lyes Gonysegeth.

An Rewler Stat Vyctorya a res Bill certyfyans ha medal yn 2005 yn solempnyta dhe Jy Stat.



Kesstryf an Tavas

Rod Lyon
Cresen Tolmen, Langostentyn. Mys Genver 2006

Barth Mur Tewennow (Rod Lyon) ow telyfra y areth dhe woslowysy dyn war an desten "An Kesstryf rag an duryans a Gernewek" ynter termyn William Bodinar dhe ben an 18ves cansvledhen ha'n Dasserghyans gans Henry Jenner dhe dhalleth an 20ves.





2014 | 2013 | 2012 | 2011 | 2010 | 2009 | 2008 | 2007 | 2006 | 2005 | 2004 | 2003 | 2002


Pup daffar © Gorsedh Kernow marnas ef yw ken askrifys