logo

Nowodhow Kens 2005

English version of this page
English



2014 | 2013 | 2012 | 2011 | 2010 | 2009 | 2008 | 2007 | 2006 | 2005 | 2004 | 2003 | 2002



Jowan an Cleth

Yma newodhow pur dryst: John Bolitho, Jowan an Cleth, kens Barth Mur, a verwys De Lun an 5es Mys Kevardhu.


John Bolitho's Funeral
An keskerth encledhyas a hembroncas gans Pyber an Orseth ha' n baneror
Cowethas Ryal Lu Lystry, an dheu yn raglennow Kernewek.

An encledhyas Jowan Bolitho a wharfe yn Bud de Merth 13ves a vys Kevardhu 2005. Reknys nyverow mornyers a drel yntra 600 dhe1000. An gonys yn Chapel Methodyst synsys ynno trubyt pryva gans Rod Lyon/Tewennow yn Kernewek ha Sawsnek. Y hyllyr gweles an trubyt pryva ma ha moy pycturs gans clykkya omma.Ny allas bos lagas segh pan gana myrghwyn 8 bloth Jowan "Amazing Grace".

Keskerth lyes cans tus a dhelynya an lyes restryans a synsys dhe Jowan, a sewys an geler an hanter myldyr dhe'n gorflan. An pyber an Orseth a hembroncas an keskerth gans an baneror Cowethas an Ryal Lu Lystry. Y a dremana bosty gans an baner Kernewek dhe hanter gwern hag ostel gans oll an servysy yn lynen a ves yn revrons.


John Bolitho's Funeral
Ran bush bras dhe'n encledhyas

An kemmeryans yn ostel synsys ylow Kernewek mayth o Jowan, ran mar vras anodho.Ny whyly Jowan deryvadow ragtho y honen, mes Kernow, y allas cana "My re-gas cara yn ker, moy yn ker es an ger cowsys a yl leverel..."

Y hyllyr cafos bewnans scryfys ber ow clykkya Pycturva Barth Mur ha vysytys pycturs Jowan dhe Australya war an wyasva ma whath clykkya omma mar plek..



Kesstryvyansow 2006 ow mos yn-rak

Competition Winner 2004

Yma ow pesya yn ur ma kesstryvyansow an Orseth Kernow 2006.Yma classow rak tus a os ha fleghes yn bardhonyeth,yeth plen, studhyansow Kernewek, ylow (yn Sawsnek po Kernewek) creft ha skesenyeth.

Y hyllyr cafos manylyon lun ha rewlys rak entra war an wyasva ma. An dethyow degea yu 31ans a vys Merth ha'n pewasow a vyth res gans an Barth Mur dhe'n Orseth ygor dhe Resruth war an kensa de Sadorn yn mys Gwyngala 2006.

Rak manylyon lun clykkya omma.



Holyer an Gof 2006

Profyansow yu gelwys lemmyn rag an weryson Holyer an Gof 2006, rak dyllans Kernewek denythys dres an vledhen 2005.

Rag folennygow profyans clykkya omma
(ef a ygor yn fenester noweth whythrans. Pryntyeugh an folen hag degeugh an fenester awos dewheles Dhe'n Orseth).

An jeth degea rag oll offryanow yu de Gwener 24ans a vys Whevrer 2006. An gorthewer weryson a vyth yn mys Gortheren 2006.

Holyer An Gof Shield

Yma hevleny seyth class.

Rag manylyon lun a bellgewsys mar plek Ann Trevenen Jenkin, cadar Holyer an Gof 2005-6, war 01736 850332 po e-bost Bryallen.



Kescusulyans an Orseth mys Hedra 2005

Moy es 100 pobel a attendyas Kescusulyans an Orseth dhe Berranzabuloe a formya gans Eileen Carter/Gwythyades an Log. Y'n myttyn Dick Cole a styrya an cledhyans hendhyscans an Unsys Kernow Hendhyscans re wruk dhe nessa eglos.

Oratory
Del breder gans nebes pobel, an Oratry martesen a dhrehevys gans Sen Peran
y honen y'n 5es cansbledhen. An Oratry a wruk encledhyes a-noweth yn 1980.
Yma yndan an menedhyk y'n cres lwyans. An nessa eglos hag 10ves po 11ves cansbledhen,
a dhrehevy war ughelder adro 200 meter adryf an camera.


10th Century Church
Y'n dohajeth an cledhyans hendhyscans dhe nessa eglos a vysytyas.
Yn 1803/04 an eglos ma ha corflan a asa drefen bos an treth dhe omherdhya.
Nebes meyn ha framys fenester a usya y'n eglos blu a'n jeth adro 2 myldyr aberveth y'n pow.

Rak moy deryvas yn kever Towl Sen Peran clykkya war www.st-piran.com.



Myghal Palmer


Myghal Palmer

Barth Myghal Palmer (Perhyryn) a verwys de'Yow an 20ves a vys Hedra, 2005, 70 y vloth. Ef a vu gwres Barth dhe Lanwedhenek y'n vledhen 1986, dre sowyny yn apposyans an tavas Kernewek.

Myghal a oberas yn tywysyk abarth an tavas dres remenant a'y vewnans, o esel an bagas 'Agan Tavas', hag o den murgerys gans puphuny. Ef a scryfas mur a lyfrow, y'ga mysk, 'Jory', Rebellyans' ha 'Dyvroans', an dewetha-ma ow pos ran romans ha ran ystory a'y dylu, neb a dhyvroas dhe Australy y'n 19ves cansbledhen. Ef yu den a vyth kellys dhyn-ny oll.


Breffni Hosking

Breffni Hosking a verwys an 23ns a vys Gortheren, 2005. Ef a vu genys yn Australy mes a vu gwres Barth hag ef yn Kernow yn 1951, dhe Lanwedhenek, ow kemeres an hanow Bardhek 'Molgh Cannas'. Ef a vu degemerys y'n Orseth rag y ober abarth an artys ha'n gwaryjy. Breffni o Barth gans gonys an hyrra yn Australy.


An Orseth Bonswad

Gorseth Kernow 2005
An Pyber Gorseth ha baner Sen Perran a hembronk an keskerth ow tewheles dhe'n Hel an Dre

An Orseth Bonswad 3a a vys Gwyngala 2005. An gewer o splan ha hy a synsys gans 300 barth.

Rak delynyans deth marthys ma ha'n gol ylow splan.

clykkya omma mar plek.


Geoff Orient/Howldrevel

Geoff Orient re verwys desempys. Ef o 57 bloth ha'n kescoweth Sue Roberts (Kembroes). Ef a dheth ha bos barth Gorseth Kernow yn 1999 ow kemeres an hanow bardhek Howldrevel. An Orseth a dhanvon aga hescalarow.

Rag trubyt dyworth an Barth Mur, clykkya omma.



Gorseth Kernow GK05

Eglosheyl, Ponswad
De Sadorn 3a Mys Gwyngala 2005, dhe 14:15

Arlodhes Kernow

Y hyllyr gweles manylyon an Solempnyta ha wharfosow a wra y scothya dre glykkya war an kevren a sew.

Clykkya omma.



An Orseth A Dheryf Gwaynyoryon Kesstryvyansow rak 2005

Y hyllyr gweles sewyansow rak an classow Tevysogyon ha Fleghes dre glykkya war an kevren a sew. gwaynyoryon 2005



Pewasow Consel An Orseth

Y hyllyr gweles pewasow Consel an Orseth 2005 omma, clykkya mar plek


Nicholas Darke/Scryfer Gwaryow

Nick Darke re verwys. Ef a dheth ha bos Barth Gorseth Kernow yn 1996, ow kemeres an hanow Bardhek Scryfer Gwaryow.

Campyer skylys ha tus, y fe scryfer, barth, scryfer gwaryow, den gwlasek, tavethlyer, gwryer kennen ha caderyer consel a blu Sen Eval.

An Orseth a dhanvon aga hescalarow dhe y dylu.



Gorseth Breten Vyghan - 2005



Gorseth Breten Vyghan 2005
Gwync'hlan, Drewyth Mur a dermyn hyr an Orseth Breten Vyghan, ny alsa dos dhe solempnyta Goursez Breizh 2005 dhe Vrasparz, y le kemerys gans Per Vari Kerloc'h.

Deryvas clykkya omma.

Stratejy Rag An Tavas Kernewek

Jori Ansell and Road Sign
[a-gleth] Jori Ansell [a-dhyghow] Falmouth (Aberfal)

An tavas kernewek re-borthas bledhen mur hy bern: rak redya deryvas Caderyer Bagas-lywya an Stratejy dhe'n Orseth Deges (scryfys yn Sawsnek), clykk omma

An menyster nowydh rak Governans Leel, Phil Woolas, re-akordyas provya £80,000 rak pup a'n nessa tyr blydhen hag a-vyth (gans £20,000 moy dyworth fentynyow leel) defnythys avel arghesans-par rak profyans Amkan 1 a-barth dysplegyans Kernewek. An arghans yu gwythys rak an profyans Amkan 1 hep ken ha ny yll bos defnythys rak porpos aral.

Pen-men gwytha an Stratejy a-vyth henwel Dyghtyer Dysplegyans an Yeth, gans meny ha bojet, rak dalleth an ober. An menyster a-synsys bos da ynwedh selyans kessedhek-arfeth, hag ynno cannasow a bup bagas yethek, conselyow ha bagasow kernewek erel, onen anedha an Orseth.



Lilian James/Ula Ruthvelen

An Medal Ordyr Australya (OAM) re be res dhe Mestres Lilian James/Ula Ruthvelen rak hy servys dhe'n dus specyly dres an sawment ha dyscas Kernewek. Mestres James a dheth ha bos Barth Gorseth Kernow yn 1988.

Lilian James

Byrth Gernewek A Guntell Yn Australya

Cornish Bards in Australia

Scryvynades an Orseth, Barbara Shaw / Mentenor a'n Ertach, Ann Trevenen Jenkin / Bryallen, Rod Pascoe/ Gwas Jago ha Professor Philip Payton / Car Dyvresow eth dhe'n cuntellyans bledhennek yn Australya Dyghow yn Mys Me 2005.

Ef a darfedhys y'n keth seythen avel an degol Kernewek bras y'n ewn cres trevow mungleth, Moonta, Kadina ha Wallaroo.

Yma lwyans a degol kens war cofscryfow an wyasva ma. Y hyllough aga hafos gans an jyn wythra.

Cornish Bards meet in Australia
[a-gleth] An scryvynades ha Tom Luke a dryg 10,000 myldyr a les mes a junnyes gans aga ober rak Kernow.
[a-dhyghow]
Barth Mur kens Ann Trevenen Jenkin gans an vanel ow hemronk an keskerth bardhek.



 

Stratejy Rag An Tavas Kernewek

Gorseth Kernow a wruk metya orth Richard Bayly (GOSW, Sothva An Governans Rak An Soth West) agensow: Cuntellyans mur dhe les o.

GOSW

[ow sevel, a gleth bys dhe dhygow] Tony Steel, Rod Lyon/Tewennow, David Lindo/Carer Lowarthow, Richard Bayly
[ow eseth, a gleth bys dhe dhygow] John Bolitho/Jowan an Cleth, Rev Brian Coombes/Cumow, Vanessa Beeman / Gwenenen.


Dethlyver An Orseth 2006 Ha Cartennow Nadelek Kernewek

Rak manylyon lun gra clykkya omma mar plek.


Degol Sen Pyran 2005


Degol Sen Pyran 2005

Perranzabuloe

Solempnys a ve Degol Sen Pyran dres Kernow gans lyes keskerth ha lyes wharfos, an brassa ran anedha scodhys gans Byrth an Orseth.

Degol Sen Pyran 2005

[a-gleth] Howard Curnow (Kernow) [a-dhyghow] Maureen Fuller (Steren Mor); Barbara Shaw (Mentenor a'n Ertach); ha John Bolitho, (Jowan an Cleth).



2014 | 2013 | 2012 | 2011 | 2010 | 2009 | 2008 | 2007 | 2006 | 2005 | 2004 | 2003 | 2002


Pup daffar © Gorsedh Kernow marnas ef yw ken askrifys